Харь гарагийнхан бидэнд маш олон талаар тусалж чаддаг гэдгийг хайр дүүрэн хүмүүс мэддэг.

Одоо Монголоос Баяржаргалын илгээсэн сэтгэлийн үгийг хүргэе:

Монгол улсын авшигтан байна. Гурван жилийн өмнөөс би хэд хэдэн удаагийн давтамжтай ахуй ойлголтыг харсан. Шөнийн тэнгэрээр дүүрэн Нисдэг үл мэдэгдэх биетүүд манай гарагийг аврахаар энхийн манаанд ээлжлэн ирж байсан. Тэдний хөлгийн хэлбэр хэмжээ, гэрэл нь өөр өөрсдийн гэсэн онцгой гоёмсог бөгөөд тэд нүд баясгам төдийгүй цаанаа л нэг нууцлаг байсан. Тэд ямар нэг зүйлийг ажиглаж байсан. Хүмүүс тэднийг бидэнд ямар нэг муу зүйл хийх нь гэсэн айдас, хардлагатай сандарч, үймж байсан. Гэвч тэд туйлын тайван, аюулгүй, бас сайхан сэтгэлтэй гэдгийг нь би мэдэрч, тэднийг байгаад нь талархсан.

Энэ шүүлтийн цаг үед бүхий л төрөлтөн бидэнд болон гараг дэлхийд минь туслахын тулд цаг наргүй өөрсдийгөө умартан хичээж байхад хүмүүс бид өнөө маргаашийн ажил амьдрал, мөнгө, эд баялгийн төлөө дүлий, сохроор бүдчиж байгаа нь дэндүү гунигтай байна. Гэсэн ч энэ цаг үед үргэлж бидэнтэй хамт байгаа хамгаас энэрэнгүй бүхий л төрөлтнүүддээ талархъя. Оройн Дээд Эзэн Бурханд даруухнаар талархъя.

Бидний луужин болсоор байгаа Хайрт Их Багш минь Тандаа туйлаас их талархъя. Таны минь эрхэм дээд хүсэл тань үтэр түргэн биеллээ олж, Таны минь лагшин тунгалаг, амгалан жаргаасай гэж хүсэж байна. Баярлалаа. Монгол Улсаас Баяржаргал

Гэрэлт Баяржаргал аа, Ихэд итгэл найдвар төрүүлсэн захидал илгээсэнд баярлалаа. Өөр гарагийн оршнолууд өөрсдийн чадах чинээгээрээ бидэнд туслах зорилгоор манай дэлхийг ажиглаж байгааг мэдэх нь тайтгарам юм. Их Багшийн эрхэм хүсэл удахгүй биелнэ гэдэгт бид таны нэгэн адил найдаж байна. Та болон эрэлхэг монголчууд Буддагийн Хайрын илчинд ивээгдэх болтугай. Суприм Мастер ТВ-ийн баг

Жич. Их Багшийн танд өгсөн хариуг баяртай хүргэж байна: “Төвлөрөгч Баяржаргал минь, бусад гарагийн оршнолууд манай дэлхийг тогтворжуулах, байгалийн гамшгаас урьдчилан сэргийлэхийн тулд шаргуу ажиллаж байна. Зарим нь харь гарагийнхныг нинжин сэтгэлтэй, хайраар дүүрэн байдаг гэдэгт итгэхгүй байгаа нь харамсалтай. Харь гарагийнхан бидэнд маш олон талаар тусалж чаддаг гэдгийг хайр дүүрэн хүмүүс мэддэг. Сайн сайхныг хүссэнд баярлалаа. Та болон адислагдсан Монгол Улс Буддагийн Хамгаалал дор оршиг. Мөн та нартаа хайртай шүү, хайртай!"